Дьокуускай куоракка спортивнай туризмңа уонна спортивнай ориентирование5а Саха Республикатын улахан күрэ5э

Сана үүммүт сыл Эдэр туристар станцияларыгар улахан ситиһииттэн са5аланна. Тохсунньу 9-11 күннэригэр Дьокуускай куоракка спортивнай туризмңа уонна спортивнай ориентирование5а Саха Республикатын улахан күрэ5э буолан ааста. Икки күн устата 140 кыттааччылаах тыңааһыннаах күрэхтэһии кыайыылаахтары быһаарда.

Бу күрэхтэһиигэ Мэнэ-Хаңаластан икки нэһилиэк (Хорообут, Сыымах), Чурапчылар уонна Дьокуускай оскуолалара кыттыыны ыллылар.

Амма улууһуттан Амматаа5ы эдэр туристар станцияларын уонна Мээндиги орто оскуолатын уорэнээччилэрэ дьоһуннук кытыннылар. Амматаа5ы эдэр туристар станциялара 17 спорстменынан 5 группа5а кытынна. Бастакы күн спортивнай туризм «Модун» спортивнай комплекска, иккис күн спортивнай ориентирование күрэхтэһиитэ ХИФУ КФЕН саалатыгар үрдүк таһымнаахтык тэриллэн аастылар. Спортивнай туризмңа Бессонова Настя (Амма 1№дээх ОО, 3 кылаас), Николаева Маша (9 кылаас) уонна Удин Андрей (11 кылаас, иккиэн Амма лицейин үөрэнээччилэрэ) группаларыгар кимиэхэ да иннилэрин биэрбэтилэр. Спортивнай ориентирование этабыгар Цветков Максим (Амма 2№дээх ОО, 4 кылаас) үһүс миэстэ буолан хамаандатыгар улахан үөрүүнү а5алла. Ол курдук, 10 уонна 14 саастаах күрэхтэһээччилэр группаларыгар эдэр туристар 3 миэстэлэргэ та5ыстылар. Онтон 18 саастаах спортсменнарбыт группаларыгар бастакы миэстэ буолан кубогынан, ахсыылара мэтээлинэн на5араадаланан үөрэн кэллилэр. О5олору салайан илдьэ сырыттылар Попов Г.Д. уонна Габышев С.П.

Ситиһиилээхтик кыттан кэлэрбитигэр Амма нэһилиэгин оскуолалара төһүү күүс буоллулар. Ол курдук, о5олор Амматаа5ы лицей спортивнай саалатыгар дьарыктаннылар, кэлэ-бара үөрэх салаатын, коррекционнай оскуола, 1№дээх оскуола, лицей массыыналарынан айанныы сырыттылар. Күүс-көмө буолбут оскуола директордарыгар уонна суоппардарыгар о5о үүнэрин-сайдарын туһугар ахсаабат кыһамньыларын иһин бар5а махтал буолуохтун!