Хайыһарынан спортивнай ориентирование

Кулун тутар 28-30 күннэригэр Дьокуускай куоракка хайыһарынан спортивнай ориентирование5а сылын аайы ыытыллар республиканскай күрэхтэһии буолан ааста. Амма улууһуттан Амматаа5ы эдэр туристар станцияларын уонна Мээндиги орто оскуолатын үөрэнээччилэрэ кыттан кэллилэр.

Республика күүстээх хамаандалара кыттар буоланнар сүрдээх тыңааһыннаах күрэхтэһии буолла. Бастакы күн маркированнай трасса5а бэйэлэрин группаларыгар Николаев Айсен (лицей, 4 кылаас) – 2 миэстэ, Попова Азалия (АСОШ №1, 11 кылаас) – 3 миэстэ, Аммосов Тит (лицей, 10 кылаас) – 2 миэстэ буоллулар.

Иккис күн бэриллибит хайысханан сүүрүүгэ Кириллина Туйаара (5 кылаас, Чапчылган) – 1 миэстэ, Афанасьева Милена (5 кылаас, АСОШ №1) – 2 миэстэ, Аммосов Тит – 1 миэстэ, Туприн Антон (9 кылаас, АСОШ №1) – 2 миэстэ, Удин Андрей (10 кылаас, лицей) – 1 миэстэ, Попова Азалия (11 кылаас, АСОШ №1) – 1 миэстэ, Колосова Саргы – 2 миэстэ, Романова Маша (АСОШ №1, 6 кылаас) – 3 миэстэ буоллулар.

Үһүс күн эстафета5а 12 саастаах уолаттарга Николаев Айсен, Захаров Ян (5 кылаас, АСОШ №2) 3 миэстэ, кыргыттарга Кириллина Туйаара, Афанасьева Милена – 3 миэстэ буоллулар. 14 саастаах уолаттарга Шаров Лёня (7 кылаас, АСОШ №2), Федоров Олег (6 кылаас, Чапчылган) 1 миэстэ буолан үөрдүлэр. 16 саастаах уолаттарга 1 миэстэни Туприн Антон, Аммосов Тит ыллылар, онтон 16 саастаах кыргыттарга Николаева Маша, Мухаметова Маша (лицей 8 кылааһын үөрэнээччилэрэ) 3 миэстэ буоллулар. 18 саастаах уолаттарга 2 миэстэни Удин Андрей, Константинов Тимур (9 кылаас, АСОШ №2) ыллылар.

Онон хайыһарынан спортивнай ориентирование5а республика Первенствотын үс күннээх күрэхтэһиитин түмүгүнэн  Амматаа5ы эдэр туристар станцияларын хамаандата 16 уонна 18 саастаах спортсменнар бөлөхтөрүгэр 2 миэстэ, 14 саастаахтарга – 3 миэстэ буоллулар. Кыттааччылары, кыайыылаахтары истиңник э5эрдэлээн туран спортка өссө үрдүк ситиһиилэри, туйгун үөрэ5и, кытаанах доруобуйаны ба5арабыт!

 

Амматаа5ы эдэр туристар станциялара