Cпортивнай ориентирование5а РФСО «Урожай» республиканскай Первенствота

Бала5ан ыйын 27-28 күннэригэр Дьокуускай куоракка улахан дьоңңо спортивнай ориентирование5а РФСО «Урожай» республиканскай Первенствота буолан ааста. Күрэхтэһии Покровскай тракт 25 километрыгар буолла. 12 улуустан 60-тан тахса республика күүстээх спортсменнара кыттан күрэхтэһии сүрдээх тыңааһыннаахтык ааста.

Амма улууһуттан Амматаа5ы эдэр туристар станцияларын үөрэнээччилэрэ уонна Дьокуускайга үөрэнэр студеннар кытыннылар, хамаанданы иилээн-са5алаан илдьэ сырытта Григорий Дмитриевич Попов. Студеннар педагогтарын ыңырыытынан тутатына хомулла түһэн, көрсүһүүттэн үөрэн-көтөн күрэхтэстилэр.

Икки күн бэриллибит хайысханан сүүрүүгэ күрэхтэстилэр. Бастакы күн 20 саастаах эр дьоңңо Аммосов Тит (11 кылаас, лицей) – I миэстэ5э, Константинов Тимур (АСОШ №2, 10 кылаас) – III бочуоттаах миэстэ5э тигистилэр. Дьахталларга Архипова Оксана (СВФУ ΙV курсун студентката) – II миэстэни ылла. 21 саастарыттан үөһэ эр дьоңңо Мухаметов Аркадий (СВФУ 3 курсун студена) – I миэстэ, Охлопков Дима (СВФУ 5 курсун студена) –III миэстэ буоллулар.

Иккис күн Аммосов Тит III миэстэ, Удин Андрей (лицей, 11 кылаас) – II миэстэ, Архипова Оксана – I миэстэ, Охлопков Дима – II миэстэ буоллулар. Оксана, Аркадий уонна Дмитрий оскуола5а үөрэнэ сылдьан эдэр туристар станцияларыгар ситиһиилээхтик дьарыктаммыттара. Билигин да сөбүлүүр дьарыктарын бырахпакка, төрөөбүт улуустарын чиэһин көмүскээн республика5а инники күөңңэ сылдьалларыттан киһи үөрэр.

Онон «Урожай» РФСО Первенствотын икки күннээх күрэхтэһиитин түмүгүнэн Амма улууһун хамаандата уопсай түмүккэ I миэстэ буолан кубок тутуурдаах, кыайыы кынаттаах кэллилэр. Иккис миэстэ Бүлүү, үһүс – Мэңэ-Хаңалас улууһа буоллулар.

 

Анна Чаприна,

Амматаа5ы эдэр туристар станцияларын методиһа